நாற்பதை வயதை நெருஞ்கிற பொழுது, பொதுவாகவே எல்லோருக்கும் ஜீரணக் கோளாறுகள் அடிக்கடி ஏற்படும். அதனால் புரோபயாடிக் நிறைந்த உணவுகள் அதிகம் எடுத்துக் கொள்வது நல்லது. தயிர், சோயா, டோஃபு பனீர் போன்றவற்றை அதிகமாக சேர்த்துக் கொள்ளுங்கள். இவை பொதுவாக இந்த காலகட்டத்தில் தான் வளர்ச்சிதை மாற்றங்களில் சிக்கல், எலும்புகளின் வளர்ச்சி குறைபாடு மற்றும் தசைகளின் வளர்ச்சி நிலைகள் ஆகியவை பாதிக்கப்படும். அதனால் புரோபயாடிக் உணவுகள் சேர்த்துக் கொன்பிற பொழுது, இதுபோன்ற பிரச்சினைகள் தவிர்க்கப்படும்

40 வயதை நெருங்கும் பெண்கள் என்ன மாதிரியான உணவுகள் அதிகமாக சாப்பிட வேண்டும்

நாற்பது வயதைத் தொடுகிற, தாண்டிய பெண்கள் எந்த மாதிரியான ஊட்டச்சத்து உணவுகளை தங்ள் உணவில் அதிகம் எடுத்துக் கொள்ள வேண்டும் என்பது குறித்து இங்கே பார்க்கலாம்

பெண்கள் எந்த விஷயத்தில் பெண்கள் கவனமாக இருந்தாலும் தங்களுடைய ஆரோக்கிய விஷயத்தில் கோட்டை விட்டுவிடுவார்கள். வீட்டில் உள்ளவர்களின் நலன் பற்றியே முழு நேரமும் யோசிக்கும் அவர்கள், அதிலும் குறிப்பாக 40 வயதை கடந்துவிட்ட அம்மாக்கள் தங்களுடைய உடலைப் பற்றிய பிரக்ஞையே இல்லாமல் தான் இருக்கிறார்கள். இதுவே ஆண்களாக இருந்தால், வயது என்பது வருட வருடம் அதிகரித்துக் கொண்டே போகிற எண் மட்டும் தான். அதனால் என்னுடைய வாழ்வில் அவ்வளவு பெரிய மாற்றங்கள் ஏதும் ஏற்படப் போவதில்லை என தன்னம்பிக்கையோடு வாழ்க்கையை எளிதாக எடுத்துக் கொள்வார்கள். அதற்குக் காரணம் அவர்கள் குழந்தைப் பருவம் முதலே எடுத்துக் கொள்ளும் உணவு, விளையாட்டு, பயிற்சி, வாழ்க்கை முறை ஆகியவை தான். ஆனால் பெண்களுக்கு அப்படியில்லை

பெண்கள் 40

பெண்கள் 40 வயதைக் கடக்கும் பொழுது, இனிமேல் நமக்கென்ன என்று அலட்சியமாக சொல்வதுண்டு. ஆனால் 40 வயதுக்கும் மேல் தான் பெண்கள் தங்களுடைய ஆரோக்கிய விஷயத்தில் அதிக கவனம் செலுத்த வேண்டும். முன்பெல்லாம் மெனோபஸ் என்று சொல்லப்படுகிற மாதவிடாய் சுழற்சி நிற்கும் பருவம் என்பது ஐம்பது வயதுக்கும் மேலாகவே இருந்தது. ஆனால் சமீப ஆண்டுகளாக 40 வயதைத் தாண்டுகிற பொழுதே மெனோபஸ் வந்துவிடுகிறது.

அதேபோல் பெண்களுக்கு வயதாவதை உணர்த்துகிற இரண்டு முக்கியமான விஷயம் என்னவென்றால், தலைமுடி நரைப்பதும் கண் பார்வையில் சற்று தெளிவின்மை, உடல் சோர்வு போன்ற பிரச்சினையும் ஏற்படும். இதுபோன்ற சில அறிகுறிகளைக் கொண்டாவது, இனியாவது தங்களுடைய உடல் நலனில் பெண்கள் அதிக அக்கறை செலுத்த வேண்டும். குறிப்பாக, சின்ன சின்ன உடற்பயிற்சிகள், யோகா, ஆரோக்கியமான உணவு ஆகியவற்றை முறையாகக் கடைபிடித்தாலே போதும்

​ஊட்டச்சத்து உணவு

பெண்களுக்கு 35 வயதைத் தாண்டுகிற பொழுதே எலும்புகளின் தேய்மானமும் நடக்கத் தொடங்கி விடும். இதை ஆரம்பத்தில் இவர்கள் கண்டுகொள்வதே இல்லை. பிறகு அவதிப்படுவதுண்டு. நாற்பதைத் தொடும் பெண்கள் கட்டாயம் தங்களுடைய உணவு விஷயத்தில் சில முன்னெச்சரிக்கை நடவடிக்கைகளை மேற்கொள்ள வேண்டும். முடிந்தவரையில் எல்லா வகையான ஊட்டச்சத்துக்களும் இருப்பது போன்ற சமச்சிர் உணவை எடுத்துக் கொள்ள வேண்டியது மிக அவசியம்

கால்சியம்

கால்சியம் நிறைந்த உணவு பெண்களுக்கு மிக மிக அடிப்படைத் தேவையான ஒன்று. உடலில் உள்ள தசைகள், இதயத்திற்கு செல்லுகின்ற ரத்த நாளங்கள் ஆகியவற்றின் சீரான இயக்கத்துக்கு கால்சியம் மிக மிக முக்கியம். உடலில் கால்சியம் சத்துக்கள் குறைகின்ற பொழுது, எலும்புகளில் உள்ள கால்சியத்தை உடல் உறிஞ்சத் தொடங்கும். அதன் விளைவாக உடல் தளர்ந்து போதல், கடுமையான உடல் வலி ஆகியவை உண்டாகும். இதுபோன்ற பிரச்சினைகளைத் தவிர்ப்பதற்கு உணவில் கால்சியம் அதிகம் இருக்கும்படி பார்த்துக் கொள்ள வேண்டும். அதற்கு பசலைக்கீரை, ப்ரக்கோலி, பாதாம், பால் பொருள்கள், புரோபயாடிக் நிறைந்த தயிர் ஆகியவற்றை அன்றாட உணவில் சேர்த்துக் கொள்ள வேண்டியது மிக மிக அவசியம்.

​வைட்டமின் டி பற்றாக்குறை

வயது முதிர்ச்சியின் காரணமாக ஏற்படுகின்ற பல பிரச்சினைகளுக்கு வைட்டமின டி பற்றாக்குறை ஒரு காரணமாக அமைகிறது. இதய நோய், புற்றுநோய் மற்றும் வயிறு சம்பந்தப்பட்ட பிரச்சினைகள் ஏற்படுவதற்கு அடிப்படையில் இந்த வைட்டமின் டி ஊட்டச்சத்து குறைபாடும் ஒரு காரணம் என்பதை மறந்துவிடாதீர்கள். உடலுக்குத்தேவையான அனைத்து சத்துக்களையும் உறிஞ்சி, உடலை முறைப்படுத்தும் ஆற்றல் இந்த வைட்டமின் டிக்கு உண்டு. இவை சீஸ், சோயாபீன்ஸ், ஆரஞ்சுப் பழங்கள், சால்மன் மீன் ஆகியவற்றில் மிக அதிக அளவில் இருக்கிறது. அதைவிட எந்த வித செலவும் இல்லாமல் நம்முடைய உடலுக்குத் தேவையான வைட்டமின் டி பெற காலையில் எழுந்து அரை மணி நேரம் சூரிய ஒளியில் நில்லுங்கள். அன்றைய நாளுக்குத் தேவையான சூரிய ஒளியை அதன்மூலமே நீங்கள் பெற்றுவிட முடியும்.

மக்னீசியம்

உடலில் உள்ள ரத்த நாளங்களில் அடைப்பு ஏற்படாமல் தடுக்க இந்த மக்னீசியம்உதவுகிறது. உயர் ரத்த அழுத்தத்தைச் சீராக்கி இதயப் பிரச்சினைகளில் இருந்து பாதுகாக்கிறது. தசைகளை வலிமைப்படுத்தும் ஆற்றல் கொண்டது. பொதுவாக மக்னீசியம் குறைகின்ற பொழுதுதான், இதய நோய்கள், உயர் ரத்த அழுத்தம், நீரிழிவு பிரச்சினைகள் ஆகியவை உடலில் தலைதூக்கத் தொடங்கும். பீன்ஸ், கீரைகள், பாதாம், முந்திரி, வேர்க்கடலை, எள் ஆகியவற்றில் அதிக அளவில் மக்னீசியம் சத்துக்கள் நிறைந்திருக்கின்றன. அவற்றில் தேவைக்கு ஏற்ப அன்றாட உணவில் சிறிது சேர்த்துக் கொள்வது நல்லது.

​ஒமேகா-3

நம்முடைய உடலின் செயல்பாட்டுக்கும் மூளையின் இயக்ககத்துக்கும் எலும்புகளை வலுப்படுத்துவதிலும் மிக துரித ஆற்றலோடு இந்த ஒமேகா 3 செயல்படுகிறது. குறிப்பாக, பெண்கள் தங்களுடைய உணவில் இந்த ஒமேகா 3 அதிகம் இருக்கும்படி பார்த்துக் கொள்ள வேண்டியது மிக மிக அவசியம். சால்மன் மீனில் அதிக அளவில் ஒமேகா 3 இருப்பது நமக்குத் தெரியும். அதைத் தாண்டி, ஆளி விதை, சோயா ஆகியவற்றிலும் இந்த ஒமேகா 3 அதிக அளவில் இருக்கிறது.

புரோபயாடிக் உணவுகள்

நாற்பதை வயதை நெருஞ்கிற பொழுது, பொதுவாகவே எல்லோருக்கும் ஜீரணக் கோளாறுகள் அடிக்கடி ஏற்படும். அதனால் புரோபயாடிக் நிறைந்த உணவுகள் அதிகம் எடுத்துக் கொள்வது நல்லது. தயிர், சோயா, டோஃபு பனீர் போன்றவற்றை அதிகமாக சேர்த்துக் கொள்ளுங்கள். இவை பொதுவாக இந்த காலகட்டத்தில் தான் வளர்ச்சிதை மாற்றங்களில் சிக்கல், எலும்புகளின் வளர்ச்சி குறைபாடு மற்றும் தசைகளின் வளர்ச்சி நிலைகள் ஆகியவை பாதிக்கப்படும். அதனால் புரோபயாடிக் உணவுகள் சேர்த்துக் கொன்பிற பொழுது, இதுபோன்ற பிரச்சினைகள் தவிர்க்கப்படும்