வெந்தயம் அஞ்சறைபெட்டியில் இருக்கும் உணவுகளில் முக்கியமானது. உடல் ஆரோக்கியத்துக்கு நன்மை தரக்கூடியது என்பதாலேயே இவை உணவில் நீங்கா இடம்பிடிக்கிறது. வெந்தயத்தின் மருத்துவகுணங்கள் குறித்து பல கட்டுரைகள் உண்டு. தீரா நோய்களை கட்டுக்குள் வைப்பது சரும அழகு வரையிலும் இதன் பலன்கள் உண்டு. கசப்பு நிறைந்த நலன் தரும் மாத்திரைகள் என்று வெந்தயத்தை சொல்லலாம்.
சித்த மருத்துவத்திலும், ஆயுர்வேதமருத்துவத்திலும் நீங்காத இடம்பிடிக்கும் வெந்தயம் பெண்களின் நலனுக்கு எவ்வளவு உறுதுணையாக இருக்கிறது என்பது குறித்து பார்க்கலாம்.
வெந்தயத்தின் மருத்துவ குணங்கள்j
வெந்தயத்தின் மருத்துவ குணங்கள்j
வெந்தயத்தின் பலன்களை ஒரு கட்டுரையில் அடக்கிவிட முடியாது. வெந்தயம் கரையும் கரையாத நார்ச்சத்துகளை உள்ளடக்கியது. இவை இதயத்தமனிகளில் இருக்கும் கொழுப்பை குறைக்க உதவும். கரையாத நார்ச்சத்து மலச்சிக்கலை போக்கும். ரத்தத்தில் சர்க்கரை வேகமாக கலப்பதை தடுக்கும். ரத்தத்தில் கொழுப்பின் அளவை கட்டுக்குள் வைக்கவும் உடல் உஷ்ணத்தை கட்டுப்படுத்துவதிலும் இவை உதவுகிறது.
வெந்தயம் சேர்த்த உணவுகள்குடலின் இயக்கங்களை சீராக்குகிறது. ஜீரண உறுப்புகளின் குறைபாட்டை போக்குகிறது. உடலுக்கு வலு சேர்க்கிறது. நீரிழிவு நோயின் ஆரம்ப கட்டத்தில் இருப்பவர்களுக்கு வெந்தயம் மிகச்சிறந்த மருந்து. இது குறித்த கட்டுரையை முன்பே வெளியிட்டிருக்கிறோம். அதற்கான பதிவையும் இங்கு இணைக்கிறோம்.
ஆரம்ப கால சர்க்கரை நோயை முழுமையாக குணப்படுத்தும் அபூர்வ குணமிக்கது வெந்தயம்!
கர்ப்பப்பை கோளாறுகள்
கர்ப்பப்பையில் பிரச்சனைகள் ஒவ்வொன்றும் தனியாக தெரிந்துகொள்வது நல்லது என்றாலும் சுருக்கமாக பார்க்கலாம். பெண் பிள்ளைகள் பூப்படைந்த பிறகு தொடங்கும் மாதவிடாய் சுழற்சி திருமணம், பிரசவக்காலம், மெனோபாஸ் வரை சீராக இயங்க வேண்டும். இதற்கு கர்ப்பப்பை ஆரோக்கியமாக இருக்க வேண்டும். ஒழுங்கற்ற மாதவிடாய், அதிக ரத்த போக்கு, மிக குறைவான ரத்தபோக்கு, நீடித்த ரத்த போக்கு போன்றவை எல்லாம் கர்ப்பப்பை பிரச்சனையோடு தொடர்புடையவை.
வயிற்றின் அடி புற வலி, பின்புற அடி முதுகு வலி, முதுகுவலி இவை எல்லாமே கர்ப்பப்பை கோளாறுகளை உணர்த்தும் அறிகுறிகளாக இருக்கலாம். கர்ப்பப்பை கோளாறுகள் சினைப்பை நீர்க்கட்டி, கர்ப்பப்பை உட் சுவரில் உள்ள வீக்கம் எண்டோமெட்ரியம், அடினோமையோசிஸ்,கர்ப்பப்பையில் பூச்சி என்று பல பிரச்சனைகள் உண்டு. சமீப வருடங்களாக பெண்கள் பலரும் கர்ப்பப்பை பிரச்சனைக்கு உள்ளாவது அதிகரித்துள்ளது. பெரும்பாலும் இதற்கு காரணம் ஹார்மோன் சுரப்பில் உண்டாகும் மாற்றம் தான்.
ஹார்மோன் சுரப்புக்கு உதவும் வெந்தயம்
பெண்கள் உடலில் சுரக்கும் ஹார்மோன்களில் ஈஸ்ட்ரோஜன் ஹார்மோனும் ஒன்று. மாதவிடாய் சுழற்சி சீராக வைத்திருக்க மிகவும் முக்கியம் ஈஸ்ட்ரோஜன் ஹார்மோன் தான். இந்த ஹார்மோன் குறைபாடு உண்டாகும் போது மாதவிடாயில் சிக்கலை உண்டாக்கும். மேலும் இவை கர்ப்பப்பை சவ்வுகளை வலுவிழக்கவும் செய்யும். இதனால் கர்ப்பப்பை கோளாறுகள் வருவதற்கு வாய்ப்புண்டு. இதை தடுக்க கர்ப்பப்பை வலுவாக்கவேண்டும். ஹார்மோன் சுரப்பை சீராக்க வேண்டும். அதற்கு வெந்தயம் சிறப்பாக உதவும்.
வெந்தயத்தில் இருக்கும் டயாஜினின் என்னும் வேதிப்பொருள் பெண் ஹார்மோன் சுரப்பு செய்யகூடிய வேலையை செய்கிறது.
மேலும் இவை மாதவிடாய் காலத்தில் உண்டாகும் வயிறு வலியையும் படிப்படியாக குறைத்து வலி இல்லா மாதவிடாய் நாட்களை உண்டாக்குகிறது.
வலி நிவாரணி வெந்தயம்
மாதவிடாய் நாட்களின் போது வலி இல்லாமல் இருக்கவும் அதிக வலி இருப்பவர்கள் மாதவிடாய் நாட்களுக்கு மூன்று நாட்கள் முன்பே வெந்தயக்கஞ்சி, வெந்தயக்களி, வெந்தய தேநீர், வெந்தயப்பொடி என ஏதாவது ஒன்றை தினமும் இரண்டு வேளையும் எடுத்துகொள்ள வேண்டும். இதனால் மாதவிடாய் வலி உபாதை குறையும்.
பாலிசிஸ்டிக் ஓவரிஸ் சிண்ட்ரோம் பிரச்சனை இருப்பவர்கள் குறிப்பிட்ட அளவில் வெந்தயம் சேர்த்துகொண்டால் சீரற்ற மாதவிடாய் பிரச்சனைகளை கட்டுக்குள் கொண்டுவர உதவுகிறது என்று ஆராய்ச்சியாளர்கள் கண்டறிந்துள்ளனர்.
மேலும் இவை கர்ப்பப்பை நீர்க்கட்டிகளையும் குறைக்க உதவுகிறது. பிரசவக்காலத்துக்கு பிறகு தாய்ப்பால் சுரப்பு அதிகரிக்க வெந்தயக்குழம்பு பூண்டு சேர்த்து சாப்பிட்டாலே போதுமானது.
கர்ப்பப்பை பிரச்சனை வரும் போதுதான் இதை சேர்க்க வேண்டும் என்பதில்லை. ஆரம்ப கட்டம் முதல் வெந்தயத்தை உரிய முறையில் அளவாக சேர்த்துவந்தாலே பெண்களுக்கு மாதவிடாய் பிரச்சனையும் கர்ப்பப்பை பிரச்சனையும் பெருமளவு தவிர்க்கப்படும். அதோடு பெண்கள் படும் உபாதைகளில் அதிகமானது கர்ப்பப்பை சம்பந்தப்பட்ட இந்த கோளாறுகள் தான் என்பதால் இனி உணவில் வெந்தயத்துக்கு அதிக முக்கியத்துவம் கொடுங்கள். கர்ப்பப்பை கோளாறுகளை வரும் முன் காப்போம்.
🤟🏻❤
ReplyDeleteKeep reading. Almighty bless u. much love💗
Delete👍👌
ReplyDeleteKeep reading. Almighty bless u. much love💗
ReplyDelete