முகத்தின் நிறம் மாநிறமாக இருந்தாலும், வெள்ளையாக இருந்தாலும், சிவப்பாக இருந்தாலும், கருப்பாக இருந்தாலும் அழகு குறைவதில்லை. ஆனால் முகத்தில் தோன்றும் சிறு குறைபாடுகள் கூட அழகை விகாரமாக்கி காட்டும்.
குறிப்பாக கரும்புள்ளிகள்.
➡️மஞ்சள் + தேங்காயெண்ணெய் - கரும்புள்ளி நீங்க
தேங்காயெண்ணெயில் இருக்கும் ஆன்டி பாக்டீரியல் தன்மை முகத்தில் இருக்கும் கரும்புள்ளியை இலேசாக்கி மறைய செய்கிறது. மேலும் கூடுதலாக வேறு எங்கும் பரவாமலும் காக்க உதவுகிறது.
⏩️⏩️எப்படி பயன்படுத்துவது
சுத்தமான தேங்காயெண்ணெய் ஒரு டீஸ்பூன் எடுத்து அதனுடன் கால் டீஸ்பூன் அளவு விரலி மஞ்சள் பொடியை சேர்த்து பேஸ்ட் போல் குழைக்கவும். அதை கரும்புள்ளிகள் இருக்கும் இடத்தில் வட்ட வடிவில் தேய்க்கவும். பிறகு 20 நிமிடங்கள் கழித்து முகத்தை குளிர்ந்த நீரில் கழுவவும்.
முகத்தில் அநேக இடங்களில் கரும்புள்ளிகள் இருப்பதை உணர்ந்தால் முகம் முழுக்க தடவி மசாஜ் செய்யலாம். எண்ணெய் பசை இருப்பவர்கள் அந்த இடத்தில் மட்டும் செய்யலாம். இதை தொடர்ந்து செய்துவந்தால் 15 நாட்களில் குறைவதை நன்றாகவே உணரமுடியும்.
➡️ஆப்பிள் சீடர் வினிகர் - கரும்புள்ளிகள் நீங்க
சிட்ரஸ் தன்மை நிறைந்த ஆப்பிள் சீடர் வினிகரை கரும்புள்ளிகளை போக்க கூடிய குணங்களை கொண்டவை. இதை பயன்படுத்துவதற்கு முன்பு ஆப்பிள் சீடர் வினிகர் தரமானதா என்பதை பரிசோதித்து கொள்ளுங்கள்.
⏩️⏩️எப்படி பயன்படுத்துவது
ஆப்பிள் சீடர் வினிகரை பயன்படுத்தும் போது பலரும் செய்யும் தவறு அப்படியே சருமத்தில் உபயோகிப்பதுதான். இவை சமயங்களில் சருமத்தில் எரிச்சலை உண்டாக்கிவிடும் என்பதால் நேரடியாக பயன்படுத்த கூடாது. இரண்டு டீஸ்பூன் ஆப்பிள் சீடர் வினிகருடன் இரண்டு டீஸ்பூன் தண்ணீர் கலக்கவும்.
இதை முகத்தில் டோனர் போன்று சுத்தமான பஞ்சில் தொட்டு முகம் முழுக்க ஒற்றி எடுங்கள். குறிப்பாக கரும்புள்ளி இருக்கும் இடங்களில். பிறகு 20 முதல் 30 நிமிடங்கள் கழித்து முகத்தை கழுவினால் பலன் கிடைக்கும். தினமும் காலை மாலை இரண்டு வேளையும் இப்படி செய்து வரலாம். இதை டோனராக பயன்படுத்தும் போது வேறு டோனர் பயன்படுத்த வேண்டாம்.
➡️ஜாதிக்காய் பொடி - கரும்புள்ளிகள் நீங்க
ஜாதிக்காய் தரும் நன்மைகள் குறித்து பல முறை படித்திருக்கிறோம். நாட்டு மருந்து கடைகளில் விற்கும் ஜாதிக்காய் பொடியை வாங்கி பயன்படுத்தலாம். ஜாதிக்காய் எண்ணெயும் கிடைக்கும் என்றாலும் பொடி உபயோகிக்க எளிதாக இருக்கும்.
⏩️⏩️எப்படி பயன்படுத்துவது
தேவையான அளவு ஜாதிக்காய் பொடியை நீரில் குழைத்து பேஸ்ட் போல் சற்று இறுக்கமாக கலக்குங்கள். இதை முகம் முழுக்கவோ அல்லது முகத்தில் கரும்புள்ளிகள் இருக்கும் இடத்திலோ வட்ட வடிவில் தேய்த்து மிதமாக மசாஜ் செய்து விடுங்கள். பிறகு அவை காய்ந்ததும் வெதுவெதுப்பான நீரில் முகத்தை கழுவ வேண்டும். தினம் ஒருமுறை இதை செய்தால் கரும்புள்ளிகள் நிரந்தரமாக மறையும். சற்று பொறுமை வேண்டும். அவை மறையும் வரை பயன்படுத்த வேண்டும்.
➡️கொத்துமல்லி - கரும்புள்ளிகள் மறைய
மேற்கண்ட பொருள்கள் இல்லாவிட்டாலும் கொத்துமல்லி இல்லாமல் இருக்காது. பச்சைபசேலென்று இருக்கும் கொத்துமல்லி தழைகள் முகத்தில் கரும்புள்ளிகளை போக்குவதோடு இளமையாகவும் வைத்திருக்கும்.கொத்துமல்லி போன்று வெந்தயக்கீரை, புதினாவையும் பயன்படுத்தலாம்.
⏩️⏩️எப்படி பயன்படுத்துவது
கொத்துமல்லித் தழையை நீர்விடாமல் மைய அரைத்து அதன் சாறை பிழிந்து சிட்டிக விரலி மஞ்சள் தூளை சேர்த்து குழைக்கவும். இதை முகம் முழுக்க தடவி 30 நிமிடங்கள் கழித்து உலர்ந்ததும் முகத்தை கழுவுங்கள். 15 நாட்கள் கழித்து பார்த்தால் கரும்புள்ளிகளை தேட தொடங்குவீர்கள். அவ்வளவு பலன். கூடுதல் போனஸாக முகத்தின் இளமையும் அதிகரித்திருக்கும்.
➡️சந்தனம் + எலுமிச்சை+ தயிர் - கரும்புள்ளிகள் மறைய
சந்தனம் கோடையிலும் முகத்தை குளுகுளுவென வைத்திருக்க உதவக்கூடியது. சந்தனம் போல் மேனி என்று சொல்லும் வகையில் சந்தனம் சருமத்துக்கு பயன் தரும். முகத்தில் அழற்சி காரணமாக நீண்ட நாட்களாக தங்கியிருக்கும் கரும்புள்ளியை போக செய்ய சந்தனம் பெருமளவு உதவுகிறது.
⏩️⏩️எப்படி பயன்படுத்துவது
சந்தனத்தை பொறுத்த வரை அப்படியே முகம் முழுக்கவே பயன்படுத்தலாம். நாட்டு மருந்து கடைகளில் தரமான சந்தனபொடி வாங்கி பயன்படுத்தலாம். சந்தனபொடியை தயிர் மற்றும் எலுமிச்சை சாறு சேர்த்து பேஸ்ட் போல் குழைத்து முகம், மற்றும் கழுத்து பகுதியிலும் தடவி கொள்ளலாம். இவை உலர்ந்ததும் வெதுவெதுப்பான நீரில் கழுவினால் கரும்புள்ளிகளும் நீங்கும். முகமும் பளிச்சென்று இருக்கும்.
