கண்களுக்கு கீழ் கருவளையம் என்பது எல்லோருக்கும் தெரிந்த விஷயம். எளிதாக அதைத் தடுக்க என்னவெல்லாம் செய்யலாம் என்பதும் போதுமான அளவில் தெரிந்துவைத்திருக்கிறோம். அப் படி கண்களுக்கு கீழ் வரும் மற்றொரு பிரச்சனை உப்பிய கண்கள். கண்களுக்கு கீழ் இருக்கும் வீக்கம் இது. இது ஏன் வருகிறது எப்படி இதை சரி செய்து கண்களை பாதுகாக்கலாம் தெரிந்து கொள்வோமா?
➡️உப்பிய வீக்கம்
தூங்கி எழுந்தவுடன் கண்ணாடியில் பார்க்கும் வழக்கம் எல்லாருக்குமே உண்டு. முகத்தின் அழகை எடுத்துகாட்டும் கண்களில் வீக்கம் இருந்தாலும் நமக்கு தெரிவதுண்டு. சிறிய வீக்கமோ அல்லது பெரிய வீக்கமோ எதுவாக இருந்தாலும் வீக்கம் வந்தாலே உப்பிய கண்கள் அழகை கெடுத்துவிடும்.
இனி தினமும் உங்கள் கண்களையும் உற்று நோக்குங்கள். உங்கள் கன்னமும் வீங்கியிருக்க வாய்ப் புண்டு. முறையான பராமரிப்பு அன்றாட வாழ்வியல் முறையில் சில மாற்றம் போன்றவையே இதை சரிபடுத்த போதுமானது.
➡️காரணம் என்ன
வயதானவர்களுக்கு கண்களின் கீழ் வீக்கம் உண்டாகும். சருமத்தில் உண்டாகும் சுருக்கம் இதற்கு காரணமாகலாம். மிதமிஞ்சிய கொழுப்பு பை போல் தேங்கி கண்களுக்கு கீழ் வீக்கத்தை உண்டாக் கும். அதிகப்படியான உப்பு, அதிகப்படியான நீர்,ஒவ்வாமை போன்றவை நீரை சேர்த்து இந்தஇடத்தில் தேக்கி வீக்கத்தை உண்டாக்கும். இதனால் கண்களில் வறட்சி இருக்கும்.
வெகு சிலருக்கு இவை உடல் ஆரோக்கிய குறைபாட்டை எடுத்துக்காட்டும் அறிகுறியாகவும் சொல் கிறது மருத்துவத்துறை.சிறுநீரக பிரச்சனையைக் கொண்டிருப்பவர்களுக்கு கூட இந்த அறிகுறி தோன்ற வாய்ப்புண்டு.
➡️போதிய உறக்கம்
தூக்கமின்மை பிரச்சனை தான் முதல் காரணம் என்று சொல்லலாம்.நன்றாக ஆழ்ந்த உறக்கம் 8 மணி நேரம் வரை இருக்க வேண்டும் என்கிறார்கள் மருத்துவர்கள். கண்களுக்கு கீழ் வீக்கம் இருப்ப வர்கள் தினமும் குறிப்பிட்ட நேரத்தில் 7 மணி நேரத்திலிருந்து 9 மணி நேரம் வரை கண்டிப்பாக தூங்க வேண்டும்.
தூக்கமின்மை பிரச்சனையும், இரவு நீண்ட நேரம் விழித்திருந்து உறங்குவதும், அதிகப்படியான மேக் அப் கலைக்காமல் அப்படியே துங்குவதும் கூட கண்களில் வீக்கத்தை உண்டாக்கும். கண்க ளில் வீக்கம் இருந்தால் இரண்டு நாட்கள் இந்த முறையை பின்பற்றி பாருங்கள். பிறகு வீக்கம் குறைந்து வருவதை நீங்களே உணரலாம்.
➡️ஐஸ்கட்டி
காலை எழுந்ததும் வீக்கத்தை கழுவி கண்களில் வீக்கம் இருக்கும் இடத்தை சுற்றி ஐஸ்கட்டிகளை ஒரு துணியில் சுற்றி எடுத்து ஒத்தடம் கொடுக்க வேண்டும். தட்டையான ஸ்பூன் போன்ற கரண்டியை சுத்தப்படுத்தி இரவு ஃப்ரீஸரில் வைத்து காலை எழுந்ததும் ஃப்ரீஸரிலிருந்து அந்த குளிர்ந்த தட்டையான கரண் டியை (ஸ்பூனாகவும் இருக்கலாம்) எடுத்து வீக்கம் இருக்கும் பகுதியில் அழுத்தி தேய்த்து வந் தால் வீக்கமானது குறையதொடங்கும்.
ஐஸ்கட்டிகள் வைப்பது சிரமமாக இருந்தால் இந்த கரண்டி முறையை செய்யுங்கள். அல்லது மெல்லிய துணியில் சுற்றியும் அழுத்தி தேய்த்து விடுங்கள்.
➡️டீ பேக்
தண்ணீரை கொதிக்க வைத்து தேநீர் பைகள் இரண்டை போட்டு விடுங்கள். அதன் சாறு இறங்கி யதும் அந்த டீபேக்கை எடுத்து கண்ணத்தில் வீங்கிய பக்கம் வைத்து ஒற்றி எடுங்கள். தொடர்ந்து பத்து நிமிடங்கள் வைத்து எடுத்தால் வீக்கம் வற்றும். மிதமான சூட்டில் இருப்பதை விட குளிர்ந்து இருந்தால் இவை நல்ல பலனை தரும். டீ தூளில் உள்ள டேனின்ஸ் சருமத்தில் இருக்கும் சுருக்கும் குறைக்கும் தன்மை கொண்டது. தினமும் காலை எழுந்ததும் மறக்காமல் இதை செய்துவந்தால் வீக்கம் வற்றும் . செய்யுங்கள். அல்லது மெல்லிய துணியில் சுற்றியும் அழுத்தி தேய்த்து விடுங்கள்.
➡️வெள்ளரிக்காய்
வெள்ளரிக்காயை சிறு துண்டுகளாக நறுக்கி ஃப்ர்ட்ஜில்வைக்கவும்.. நன்றாக குளிர்ந்ததும் அதை எடுத்து கண்கள், கண்கள் கீழுள்ள பகுதி, வீக்கம் இருக்கும் இடங்களின் மீது வைக்கவும். கால்மணி நேரம் கழித்து அதை எடுக்கலாம். ஓய்வாக இருக்கும் போது இதை செய்யுங்கள்.
வெள்ளரிக்காயில் இருக்கும் கேஃபிக் மர்றும் ஆஸ்கார்பிக் அமிலமானது கண்களின் கீழ் வீக்கத்தில் தேங்கியிருக்கும் நீரின் தேக்கத்தை குறைக்கும். தொடர்ந்து செய்யும் போது ஒரு வாரத்தில் நல்ல பலன் தெரியும். கூடுதலாக கண்களின் கீழ் உள்ள கருவளையமும் மறையும்.
➡️உப்பு
அதிகப்படியான உப்பு உடலில் சேரும் போது அவை உயர் இரத்த அழுத்தம் பிரச்சனைகளை மட்டும் அல்லாது அதிகப்படியான நீர் சேர்ந்து அவை கண்களில் வீக்கத்தை உண்டு செய்யும். உப்பு அதிகமி ருக்கும் உணவு வகைகளை எடுத்துகொள்வதன் மூலமும் சிலருக்கு கண்களில் வீக்கம் உண்டாகக் கூடும். அதனால் உப்பு அதிகம் உள்ள உணவை தவிர்ப்பதும் உப்பிய கண்ணத்தை சம நிலைக்கு கொண்டுவர உதவும்.
➡️தலையணை
கண்கள் வீக்கத்தை சந்திக்கும் போது தலையை சமமாக வைத்து படுக்க கூடாது. இரவு நேரங்களில் தலை உயரமாக இருக்கும்படி தலையணை வைத்து படுப்பது நல்லது. நேராக தலை வைத்து படுக் கும் போது வீங்கிய கண்களின் கீழ் மேலும் தண்ணீர் தேங்கிவிடும் வாய்ப்புண்டு. அதனால் படுக் கும் போது தலைக்கு கீழ் உயரமான தலையணை வைத்து படுத்தால் மேலும் வீக்கம் உண்டாகாமல் இருக்கும்.
➡️அதிக மேக்கப
சருமத்துக்கு ஒவ்வாத பொருள்களை பயன்படுத்தும் போது கண்கள் வீக்கத்தை சந்திக்கின்றன. முகத்துக்கு போடும் க்ரீம்கள் அதில் இருக்கும் இராசயனங்கள் அலர்ஜியை உண்டாக் கும். இவை தவிர வெளியில் செல்லும் போது பரவும் தொற்று, கிருமி போன்றவையும் கண்களில் வீக்கத்தை உண்டாக்கிவிடக்கூடும். இரவு நேரங்களில் படுக்கும் போது முகத்தை நன்றாக கழுவி கண்களையும் குளிர்ந்த நீர் விட்டு நன்றாக கழுவி உலர வைத்து படுத்தால் கண்களின் வீக்கம் மட்டுப்படும்.
