தைராய்டு என்பது பட்டாம்பூச்சியின் வடிவில் இருக்கக்கூடிய ஒரு உறுப்பு ஆகும். இது உடலில் உள்ள மெட்டபாலிசத்தை அதன் அளவை அதிகரிக்க செய்கிறது. மேலும் அதன் மூலம் நியூட்ரிஷன் மற்றும் ஆக்ஸிஜனை உடல் பெற உதவி செய்கிறது. இந்த தைராய்டு பிரச்சனை நமக்கு ஏற்பட்டால் பலவிதமான உடல் உபாதைகள் ஏற்படும்.
குறிப்பாக இதயத்துடிப்பு உடலின் சக்தி போன்றவைகளில் குறைபாடு ஏற்படும். அமெரிக்காவிலுள்ள நேஷனல் லிப்ரரி ஆஃ மெடிசின் என்கிற நிறுவனமானது கிட்டத்தட்ட 12 சதவீதம் மக்கள் தைராய்டு பிரச்சனையால் பாதிப்புக்கு உள்ளாகி உள்ளனர் என்று கண்டுபிடித்து உள்ளனர். அந்த 12 சதவீதத்தில் கிட்டத்தட்ட 8 சதவீத மக்கள் பெண்களாக இருக்கின்றார்கள். என்பதையும் அவர்கள் கணித்துள்ளனர். ஆண்களை விட பெண்களுக்கே இதன் மூலம் அதிக பிரச்சினை ஏற்படுவதாகவும் தெரிவித்து உள்ளார்கள்.
அதிகமான தைராய்டு பிரச்சனையும் குறைந்த தைராய்டு பிரச்சனையும் இரண்டுமே மெட்டபாலிசத்தை பிரச்சினைக்கு உள்ளாகும். குறைந்து தைராய்டு பிரச்சினையை ஹைபோ hypothyroidism என்று கூறுவார்கள். அதிகமான தைராய்டு அளவு பிரச்சனையை hyperthyroidism என்று கூறுகிறார்கள். இந்த தைராய்டு பிரச்சினை இருப்பதை அறிய ஒருசில அறிகுறிகள் தென்படும் அதைப்பற்றி தற்பொழுது பார்க்கலாம்.
➡️உடல் எடை
தைராய்டு பிரச்சினை உள்ளவர்களுக்கு திடீரென அவர்கள் உடல் எடை கூடுவதை அவர்களால் உணர முடியும். ஏற்கனவே இருக்கும் அதே வாழ்க்கை முறை அதே உணவு கட்டுப்பாட்டு முறையில் இருந்திருந்தாலும் திடீரென அவர்களின் உடல் எடையில் மாறுதல் ஏற்படும். உடல் எடை அதிகமாக ஆகிவிடும். இந்த உடல் எடை ஏறுவது பொதுவாகவே ஹைபோ தைராய்டு என்று கூறுவார்கள். சரியான உணவை சாப்பிட்டு வந்தாலும் ஏற்கனவே இருந்தது போலவே இருந்தாலும் திடீரென உடல் எடை ஏறுவதை நம்மால் பார்க்க முடியும். இதேபோல் திடீரென உங்களது உடல் எடை குறைந்து வந்தாலும் நன்றாக சாப்பிட்டும், அதிகமாக உங்கள் உடல் எடை குறைந்து வந்தாலோ, அதை ஹைப்பர் தைராய்டு என்று கூறுகிறார்கள். இதை இரண்டுமே நாம் கவனிக்க வேண்டியுள்ளது.
➡️கழுத்து
தைராய்டு உள்ளவர்களுக்கு கண்ணால் பார்க்க கூடிய முக்கியமான அறிகுறி என்பது கழுத்து வீங்குவது. கழுத்து வீக்கம் என்றால் ஒரு பகுதியில் மட்டும் வீங்குவதில்லை. பொதுவாகவே தனது ஏற்கனவே இருந்ததை விட அதிகமாக கூடிவிடும். சிலருக்கு கழுத்து தடிமனாக இருக்கும். அவர்களுக்கு ஒரு வேளை தைராய்டு பிரச்சனை இருக்கலாம். தைராய்டு சுரப்பியானது கழுத்தை தடிமன் ஆகிவிடுகிறது இது இரண்டு வகை தைராய்டு பிரச்சனைகளுக்கும் ஏற்படுகிறது. தைராய்டு மூலம் ஏற்படக்கூடிய கேன்சர் பிரச்சனைகளுக்கும் இந்த கழுத்து தடிமனாகவும் பிரச்சனை இருக்கிறது.
➡️இதயத்துடிப்பு
தைராய்டு உறுப்பில் கோளாறு ஏற்பட்டால் நிச்சயமாக இதயத் துடிப்பிலும் மாறுதல் ஏற்படும். அனைவருமே அவ்வப்போது நம் இதயத் துடிப்பை கண்காணித்து வருவது மிகவும் நன்மை. ஹைபோ தைராய்டு இருப்பவர்கள் தங்களது இதயத் துடிப்பின் அளவு குறைவதை அறிய முடியும். ஹைப்பர் தைராய்டு பிரச்சனை இருப்பவர்கள் தங்களது இதயத்துடிப்பு அதிகமாவதை அறியமுடியும் அவ்வபோது நம் இதயத் துடிப்பை கண்காணித்து கொள்வது மிகவும் முக்கியமாக பார்க்கப்படுகிறது. நீங்கள் ஏதாவது உடல் உழைப்பு சம்பந்தப்பட்ட வேலைகளை செய்யும் பொழுது தானாகவே உங்கள் இதயத்துடிப்பு அதிகமாகும். அது அனைவருக்கும் உள்ளதுதான். சாதாரண நேரங்களிலும் உங்கள் இதயத் துடிப்பில் இது போன்ற மாற்றங்கள் ஏற்பட்டால் நிச்சயமாக உங்கள் மருத்துவரை அணுக வேண்டியது அவசியம்.
➡️மனநிலை
உங்கள் மனநிலை சோர்வாகவும் சுறுசுறுப்பு இல்லாமலும் எந்த வேலை செய்வதற்கும் ஈடுபாடும் குறைந்து எப்பொழுதுமே உடல் சோர்வாகவும் மனமும் எப்போதும் ஏதோ ஒரு சிந்தனையில் மன அழுத்தத்துடன் இருந்தால், உங்களுக்கு ஹைபோ தைராய்டு பிரச்சனை இருக்க வாய்ப்புள்ளது. இதே போல் எப்பொழுதும் மனது படபடப்பாகவும் பதட்டத்துடனும் அதிகமான எரிச்சலூட்டும் மனநிலையில் உங்களது மனம் இருந்தால் உங்களுக்கு ஹைப்பர் தைராய்டு இருக்க வாய்ப்புள்ளது.
➡️முடி உதிர்தல்
முடி உதிர்தல் பிரச்சனைக்கு பல விதமான காரணங்கள் இருக்கிறது. தைராய்டு பிரச்சனை இருப்பவர்களுக்கும் முடி உதிர்தல் பிரச்சனை வந்து விடுகிறது. அமெரிக்காவிலுள்ள நேஷனல் லிப்ரரி ஆஃ மெடிசின் நிறுவனம் கிட்டத்தட்ட 25 முதல் 30 சதவீத அமெரிக்கர்களுக்கு தைராய்டு உள்ளவர்களுக்கு முடி உதிர்தல் பிரச்சனை இருப்பதாக கணித்துள்ளனர். அது தைராய்டின் அளவு குறைவாக உள்ளவர்களுக்கு ஏற்பதாக கணித்துள்ளனர். இதுவே முடி நரைத்தல் முடியின் நிறம் மங்குதல் போன்ற பிரச்சனை இருப்பவர்களுக்கு தைராய்டின் அளவு அதிகமாக இருக்கும் அதாவது ஹைபர் தைராய்டு என்று குறிப்பிடுகிறார்கள்.
➡️தட்பவெப்ப மாற்றம்
நம் உடலில் தட்பவெப்ப நிலையில் மாற்றம் தென்பட்டால் அதாவது சிலருக்கு எப்போதுமே உடல் சூடாக இருப்பது போன்ற உணர்வு ஏற்படும். சிலருக்கு உடல் எப்பொழுதுமே மிகவும் குளிராக இருப்பதுபோல தென்படும். இவை இரண்டுமே தைராய்டு பிரச்சினையின் அறிகுறி என்று குறிப்பிடுகிறார்கள். உடல் எப்போதுமே குளிர்ந்த நிலையில் இருப்பதுபோல இருப்பவர்களுக்கு ஹைபோ தைராய்டு பிரச்சினை இருக்கலாம் என்று கூறுகிறார்கள். அதேபோல் உடல் எப்பொழுதுமே கொதிப்பதுபோல நிலையில் இருப்பவர்களுக்கு ஹைப்பர் தைராய்டு பிரச்சனை என்று குறிப்பிடுகிறார்கள். இதுபோன்ற அறிகுறிகள் தென்பட்டால் உடனடியாக உங்கள் மருத்துவர்களை அணுகி சோதித்துக் கொள்வது அவசியம்.
➡️மாதவிடாய்
பெண்களுக்கு அதிகமான அளவில் ரத்தப்போக்கு மாதவிடாய் சமயத்தில் ஏற்பட்டால் அது ஹைப்போ தைராய்டு பிரச்சனை என்று கூறுகிறார்கள். அதே போல் பெண்களுக்கு சரியான நேரத்தில் மாதவிடாய் ஏற்படாமல் இருந்தால் அவர்களுக்கு ஹைப்பர் தைராய்டு பிரச்சனை என்று கூறுகிறார்கள். மேலே குறிப்பிட்ட அனைத்து அறிகுறிகளும் உங்களுக்கு தென்பட்டால் நிச்சயமாக உங்கள் மருத்துவரை அணுகி பூரண சோதனை செய்துகொள்வது மிகவும் முக்கியமாக கருதப்படுகிறது. அனைத்து அறிகுறிகள் தென்பட்டாலும் மேலே குறிப்பிட்ட அறிகுறிகள் ஏதேனும் நான்கு அல்லது மூன்று தென்பட்டாலும் உங்கள் மருத்துவரை அணுகி பரிசோதித்துக் கொள்வது அவசியம்.
No comments:
Post a Comment